Австралиялик аёл 200 долларга сотган картинанинг ҳақиқий қиймати 50 минг доллардан ортиқ эканини анча вақт ўтиб билиб қолди.
Икки йил олдин Сара Боннер исмли австралиялик аёл реклама орқали санъат асарини сотиб олди. Икки йил ўтгач, у картинадан қутулишга қарор қилди ва бунинг учун 100 доллар сўради. Бир неча кундан кейин харидор у билан боғланиб, аёлга расм учун 200 доллар таклиф қилди. Боннер ҳайрон бўлди, лекин бу таклифга рози бўлди.
Кейинчалик бошқа бир харидор санъат асари ҳали ҳам сотувдами ёки йўқлигини сўради. Австралиялик аёл расм ҳақида маълумотни интернетдан топишга қарор қилди. Тез орада у хато қилганини тушунди.
Унга тегишли бўлган расм француз рассоми Пьер Сулаж томонидан чизилган бўлиб, ушбу рассомнинг асарлари ким ошди савдоларида 50 минг доллардан кўпроққа сотилган.
“Расмнинг ҳақиқий нархига сотилиши ҳаётимни ёрқинроқ қилиши ва молиявий аҳволимни яхши томонга ўзгартириши мумкин эди”, — дея аёлнинг сўзларини келтиради ABC телеканали.
Изоҳ (0)