Тошкентдаги Humo Arena саройида 25 ноябрь куни машҳур хонанда Jah Khalib’нинг концерт дастури куни тартибсизлик юзага келди. Ҳолат акс этган видеолар ижтимоий тармоқларда тарқалди.
.jpg)
Унда юзлаб одамлар концертга кириш илинжида Humo Arena саройига кириш қисмида тўплангани акс этган. Одамлар чиптаси бўлса ҳам концертга кира олмаётгани айтилган.
Миллий гвардия Тошкент шаҳри бўйича бошқармасининг маълум қилишича, концерт дастури куни у ерда хизмат олиб бораётган Миллий гвардия ходимлари томонидан жамоат тартибини бузганликда гумонланган фуқаролар воқеа жойидан хавфсиз ҳудудга олиб чиқилиб, юз бериши мумкин бўлган салбий ҳолатларнинг олди олинган.
Тартиббузарликка доир ҳолат юзасидан суриштирув ва ўрганиш ишлари олиб борилмоқда. Ҳозирда барча фуқаролар воқеа жойидан тарқатилган. Тан жароҳати олганлар йўқ.
Изоҳ (0)