АҚШ Тайван бўғозида тинчлик ва барқарорлик тарафдори ва Тайван оролининг мустақиллигини қўллаб-қувватламайди, лекин уни қурол-яроғ билан таъминлашдан бош тортмайди, деди Оқ уй матбуот котиби Жон Кирби брифингда.
“Президент Байден Си Цзиньпинга биз Тайван бўғозида тинчлик ва барқарорлик бўлишини исташимизни очиқ айтди”, — деди Кирби. Шунингдек, у АҚШ “ягона Хитой сиёсатига содиқлиги ва Тайваннинг мустақиллигини қўллаб-қувватламаслиги”ни қўшимча қилди.
“Аммо Тайван билан муносабатлар тўғрисидаги қонунга мувофиқ, биз Тайванга қурол етказиб беришда давом этамиз”, — деди Кирби.
АҚШнинг оролга қурол етказиб беришига Пекин кескин норозилик билдирмоқда. АҚШ президенти билан музокаралар чоғида Хитой раҳбари Си Цзиньпин Тайван муаммоси АҚШ-Хитой муносабатларидаги энг катта хавф эканлигини айтди.
Шунингдек, Хитой раҳбари мамлакат Тайван билан тинч йўл билан бирлашиш мақсадини кўзлаётганини, бироқ керак бўлса, куч ишлатишни ҳам истисно қилмаслигини таъкидлаган.
Изоҳ (0)