“Титаник” кемасининг биринчи класс йўловчилари учун кечки овқат менюси нусхаси Буюк Британиядаги Henry Aldridge ва Son кимошди савдосида 84 минг фунт стерлингга (тахминан 102,769 доллар) сотилди. Бу ҳақда Sky News хабар берди.
Менюда 1912 йил 11 апрель санаси акс этган. Ўша куни кечки овқатга лайнердаги йўловчиларга устрица, мол гўшти, қўзичоқ ва ўрдак гўшти берилган. Сотилган менюда сув белгилари бор. Нусха тарихчи Лен Стивенсоннинг 1960 йиллардаги фотоальбомида топилган. Унга менюни тирик қолган йўловчилардан бири берган бўлиши мумкин.
“Титаник” 1912 йил 15 апрелга ўтар кечаси айсбергга урилганидан кейин чўкиб кетган.
Менюнинг ўлчами 6,25х4,25 дюйм (тахминан 16х11 см) ва “Титаник”ни қурган White Star Line компаниясининг қизил байроғи билан безатилган. Лотнинг бошланғич нархи 60 минг фунт стерлинг этиб белгиланган.
Изоҳ (0)