Америка расмийларига кўра, Украина Қуролли кучларининг Россия билан ҳарбий можарода йўқотишлари 190 минг кишини ташкил этди. Улардан камида 70 минг нафари ҳалок бўлган, 120 мингга яқини жароҳатланган, деб хабар беради Британиянинг Тhе Economist нашри.
Украина президенти девони раҳбари маслаҳатчиси Михаил Подоляк 2022 йилнинг февралидан ноябригача 13 мингга яқин ҳарбий хизматчи ҳалок бўлганини айтди. Ўтган йилнинг ноябрь ойида Еврокомиссия раҳбари Урсула фон дер Ляен Украина Қуролли кучларининг йўқотишларини 100 минг кишига баҳолаган эди, бироқ кейинроқ Европа Иттифоқи ўлганлар ва ярадорларнинг умумий сони ҳақида гапираётганига аниқлик киритди.
2023 йил август ойида The New York Times Ғарб расмийлари ва таҳлилчиларининг ҳисоб-китобларига таяниб, Украинанинг йўқотишлари 150 минг ҳарбий хизматчидан ошганини ёзган эди.
Россия Мудофаа вазирлиги ҳарбий тўқнашувда яраланганлар ва ҳалок бўлганлар ҳақидаги маълумотларни расман ошкор этмаяпти.
Изоҳ (0)