АҚШнинг “Огаё” стратегик атом сувости кемаси мамлакат Қуролли Кучлари Марказий қўмондонлигини Яқин Шарқдаги масъул зонасига етиб келди. Бу ҳақда қўмондонлик ўзининг ижтимоий тармоқлардаги саҳифаси орқали маълум қилди.
“Огаё” синфига мансуб сувости кемаси АҚШнинг стратегик ҳужумкор ядровий кучларининг асосини ташкил этади. Улар қитъалараро баллистик ракеталар билан жиҳозланган.
Бундан олдин Яқин Шарққа Американинг иккита ҳужумкор авиаташувчилари — USS Гералд Р.Форд ҳамда USS Дwигҳт Д. етиб келганди. Бундан ташқари, минтақага қўшимча 300 нафар америкалик ҳарбий юборилган.
АҚШ Яқин Шарқдаги таркибини Исроил ва ҲАМАС ўртасидаги уруш фонида кучайтирмоқда. Пентагон буни қандай давлат ёки “нодавлат субъект”ни Ғазо секторидан ташқарида жанговар ҳаракатларга йўл қўймаслигига мўлжаллагани билан изоҳламоқда.
Эслатиб ўтамиз, Исроил мерос вазири 5 ноябрь куни Ғазо секторига ядровий зарба беришни “имкониятлардан бири” деб атаганди. Шундан сўнг Исроил бош вазири Биньямин Нетаньяху уни вазирлар маҳкамаси йиғилишларида иштирок этишини “кейинги огоҳлантиришгача” тўхтатиб қўйди. Кейинроқ у лавозимидан четлатилгани маълум бўлди.
Изоҳ (0)