Исроил миллий хавфсизлик вазири Итамар Бен-Гвир Туркия президенти Ражаб Тоййиб Эрдўғонга Ғазодаги ҲАМАС тарафдорларини Туркияга олиб кетишни таклиф қилди. Бу ҳақда “ТАСС” хабар берди.
“Мен Эрдўғон ва унинг халқи фарзандларимиз, қарияларимиз ва аёлларимизни ўлдирган, талон-тарож қилган ва зўрлаган нацист қотилларни қўллаб-қувватлаётганини кўрмоқдаман ва Эрдўғонга нафақат узоқдан туриб қўллаб-қувватлашни, балки уларни Туркияда яшашлари учун ўз ҳимоясига олишини таклиф қиламан”, — деди у.
Эрдўғон Истанбулда Фаластинни қўллаб-қувватлаш учун ўтказилган митингда Анқара “Исроилни ҳарбий жиноятчи деб эълон қилиши” ва буни бутун халқаро ҳамжамият олдида Фаластин-Исроил можаросининг кучайиши муносабати билан амалга оширишини айтган.
Эрдўғон Исроилни “босқинчи” ва “ташкилот” деб атаб, Фаластиннинг ҲАМАС ҳаракати террорчи ташкилот эмаслигини таъкидлаган.
Бунинг ортидан Исроил ташқи ишлар вазири Эли Коэн икки томонлама муносабатларни қайта кўриб чиқиш учун Туркиядан дипломатларини зудлик билан чақириб олганини айтган. Ўз навбатида Исроилнинг Туркиядаги элчихонаси Х ижтимоий тармоғидаги ўз саҳифасида туркчада “ҲАМАС террорчи ташкилотдир” деган ёзув билан сурат жойлаштирган.
Изоҳ (0)