Украина 17 октябрь куни биринчи марта Amerиканинг узоқ масофага учадиган ATACMS ракеталари билан Россия нишонларига зарба берди, деб ёзади Politico газетаси.
“Украина қўшинлари биринчи марта АҚШ томонидан яширин равишда етказиб берилган узоқ масофага учадиган ракеталардан Россияга зарба беришда фойдаланди”, — деб ёзади нашр.
17 октябрь куни эрталаб Украина Олий Радаси депутати Алексей Гончаренко ATACMS ракеталари аллақачон Украинада эканлигини, улар Запорожье вилоятининг Бердянск шаҳрига ҳужумда ишлатилганини айтди.
Бундан аввал Россиянинг расмийлари тунда Бердянскда ҳаво ҳужумидан мудофаа тизимлари ишга туширилгани ва қатор портлашлар содир бўлгани ҳақида хабар берган эди.
Wаll Street Journal АҚШ сўнгги кунларда бу узоқ масофага учадиган ракеталарни Киевга яширинча ўтказгани ҳақида ёзган эди. Қайд этилишича, АҚШ президенти Жо Байден маъмурияти ўз фикрини ўзгартириб, Украинанинг фаол бўлмаган қарши ҳужуми фонида Киевга ATACMS ракеталарини етказиб беришга қарор қилган.
Изоҳ (0)