Ўзбекистон оммавий ахборот воситалари ва ижтимоий тармоқларда Исроил—ҲАМАС қарама-қаршилигини ёритиш жараёнида Ўзбекистон фуқаролари ҳалок бўлгани ҳақида маълумотлар эълон қилинмоқда. Мамлакатнинг Исроилдаги элчихонаси мазкур хабарга тушунтириш берди.
Маълум қилинишича, Исроил Ташқи ишлар вазирлиги ва полицияси берган маълумотга кўра, мамлакат жанубида рўй берган террор ҳужуми вақтида Ўзбекистонда туғилган ва 90 йилларда репатриация дастурига мувофиқ Исроилга кўчиб келган 5 (беш) нафар киши ҳалок бўлган. Олинган маълумотларга кўра, улар амалдаги Ўзбекистон фуқаролик паспортларига эга эмас.
“ОАВни кузатиб борувчи фуқароларда бўлиб ўтаётган воқеалар кўлами ва уруш ҳаракатлари ҳақида нотўғри қарашлар пайдо бўлишининг олдини олиш мақсадида маълумотларни чоп этишдан олдин уларни ишончли манбалардан, шу жумладан, Ўзбекистон Республикасининг Исроилдаги элчихонаси орқали қайта текширишингизни сўраймиз”, — дейилади элчихона хабарида.
Изоҳ (0)