АҚШ БМТ ва бошқа ташкилотлар билан Ғазо секторида тинч аҳоли учун хавфсиз ҳудудлар яратиш устида ишламоқда, деб хабар берди Bloomberg агентлиги.
“Америка Қўшма Штатлари БМТ ва бошқа халқаро ёрдам агентликлари билан Ғазо секторида фаластинлик тинч аҳоли учун хавфсиз ҳудудлар яратиш, уларга бошпаналар ташкил қилиш устида ишламоқда”, — дейилади агентлик баёнотида.
Манбага кўра, гуруҳлар тинч аҳолидан тирик қалқон сифатида фойдаланиши мумкинлиги сабабли жараён мураккаблашган.
АҚШ президентининг миллий хавфсизлик бўйича маслаҳатчиси Жон Файнер аввалроқ президент Жо Байден маъмурияти Исроил билан Ғазо секторида одамларни олиб чиқиш учун гуманитар йўлаклар ва хавфсизлик ҳудудларини яратиш имкониятини муҳокама қилаётганини маълум қилган эди.
Изоҳ (0)