Бош прокурорнинг буйруғига асосан Собир Қурбонов Бухоро шаҳри прокурори лавозимига тайинланди. Бу ҳақда Бухоро вилояти ҳокимлиги матбуот хизмати хабар берди.
Собир Қурбонов ушбу лавозимга тайинлангунга қадар Пешку тумани прокурори лавозимида ишлаган.
Бунга қадар Бухоро шаҳар прокурори лавозимида Иброҳим Расулов фаолият юритиб келаётган эди. У бош прокурорнинг буйруғига асосан Ёқилғи-энергетика соҳасида қонунчилик ижроси устидан назорат бошқармаси бошлиғи лавозимига тайинланган.
Август бошларида Ўзбекистон президентининг тегишли фармонига асосан адлия катта маслаҳатчиси Шерзод Тўхтабоев бош прокурорнинг ўринбосари лавозимига тайинланган эди. Ундан олдин бош прокурорнинг буйруғига асосан адлия катта маслаҳатчиси Икром Наримов транспорт прокурори этиб, шунингдек, Андижон, Наманган ва Самарқанд вилоятларига янги прокурорлар тайинлангани тўғрисида хабар берилганди. Август бошларида Андижон вилояти прокурори Сирожиддин Эшқувватов Тошкент вилояти прокурори лавозимига тайинланганди.
Изоҳ (0)