Афғонистоннинг Нью-Деҳлидаги элчихонаси фаолияти тўхтатилди. Бу ҳақда элчихона Х ижтимоий тармоғидаги саҳифасида эълон қилди.
Элчихона ёпилиши сабабларидан бири “мезбон ҳукумат томонидан муҳим ёрдам” йўқлигидир.
“Афғонистон Ислом республикасининг Нью-Деҳлидаги элчихонаси ўз фаолиятини 2023 йил 1-октябрдан тўхтатиш қароридан афсусда”, — дейилади баёнотда.
Элчихона Нью-Деҳлидаги ишдан бўшатиш сабаблари сифатида ходимларнинг етишмаслиги, шунингдек, “мезбон ҳукумат томонидан муҳим ёрдам кўрсатилмагани” ва “Афғонистон манфаатларига хизмат қилишда умидларни қондира олмаслик”ни келтирган.
Дипломатик муносабатлар тўғрисидаги Вена конвенция си протоколига мувофиқ, элчихонанинг барча бинолари ва мол-мулки Ҳиндистон ҳукумати тасарруфига ўтказилади.
Тhe Hindu нашрининг ёзишича, элчихона ёпилишга “Толибон” вакилларининг 2023 йил апрель ойида Деҳлига ўз элчисини тайинлашга уриниши муносабати билан элчихона ходимлари ўртасидаги келишмовчилик ҳам сабаб бўлган.
Ҳиндистон 2021 йил августида Афғонистонда ҳокимият тепасига келган “Толибон” ҳукуматини тан олмади. АҚШ қўшинлари Афғонистондан олиб чиқилишини кутиб, Ҳиндистон ўз ходимларини Кобулдан эвакуация қилди ва у ерда дипломатик ваколатхонаси йўқ.
Изоҳ (0)