Шимолий Корея ҳукумати 2023 йил ёзида КХДРга қочиб кетган америкалик ҳарбий Тревис Кингни депортация қилишга қарор қилди. Бу ҳақда Корея марказий ахборот агентлиги (KCNA) хабар берди.
“КХДРнинг тегишли органи республика қонунчилигига мувофиқ, Шимолий Корея ҳудудига ноқонуний кирган АҚШ армияси аскари Тревис Кингни мамлакатдан чиқариб юборишга қарор қилди”, — дейилади агентлик хабарида.
Унда Кинг қачон депортация қилинишига аниқлик киритилмаган.
Америкалик ҳарбий қандай қилиб КХДРга қочиб ўтган?
Жанубий Кореяда хизмат ўтаётган 23 ёшли АҚШ армияси оддий аскари Тревис Кинг 2023 йил июль ойи ўрталарида КХДР чегарасини кесиб ўтган. Бунинг учун ҳарбий хизматчи экскурсия гуруҳи билан бирга Шимолий ва Жанубий Корея ўртасидаги Қўшма хавфсизлик зонасига келган, сўнгра демаркация чизиғини ноқонуний кесиб ўтган.
Қочиб кетишидан бир оз олдин Кинг хизматдан четлатилиши ва “интизомий сабабларга кўра” АҚШга қайтарилиши керак эди. Кейинроқ Шимолий Корея расмийлари Кинг “ирқий камситишларга қарши антипатия ҳамда Америка жамиятининг тенгсизлигидан норозилик туфайли” КХДРга ўтишга қарор қилганини айтган.
Изоҳ (0)