2023 йил 25 сентябрь куни етакчи қурилиш компанияси — Murad Buildings ва Ўзбекистон Республикаси бозорида 30 йилдан буён суғурта хизматларини кўрсатиб келаётган “Ўзбекинвест” компанияси “Икки карра ишонч” янги маҳсулотини тақдим этиб, тантанали равишда меморандум имзоладилар.
Мазкур лойиҳага кўра, “Ўзбекинвест” компанияси Murad Buildings компаниясининг қурилиш-монтаж таваккалчиликларини суғурта қилади, бу Ўзбекистон суғурта соҳасидаги ҳамда хусусий девелоперлар томонидан турар жой мажмуаларини қуриш соҳасидаги тажриба лойиҳаси ҳисобланади.
Лойиҳада шунингдек, хонадон эгаларининг мулкий манфаатларини суғурта ҳимояси назарда тутилган бўлиб, суғурта ҳодисалари содир бўлган тақдирда, “Ўзбекинвест” компанияси томонидан хонадон эгаларининг харажатлари қопланади. Бунинг натижасида Regnum Plaza ва “Сўй Бойи” турар жой мажмуаларидаги хонадон сотиб олувчилар кутилмаган харажатлардан ҳимояланиш имкониятига эга бўладилар.
“Икки карра ишонч” лойиҳаси каби маҳсулот Ўзбекистоннинг суғурта соҳасида ҳам, қурилиш соҳасида ҳам биринчи лойиҳа хисобланади.
Imzoланган меморандум компаниялар ўртасидаги яқин ҳамкорликнинг бошланиши рамзи бўлиб, хонадон эгаларига ўз манфаатларини молиявий ҳимоя қилишда қўллаб-қувватлаш ва ишонч билдиради.
- Сайт: uzbekinvest.uz
- Facebook: fb.com/Uzbekinvest
- Instagram: @uzbekinvest_
- Telegram: т.ме/узбекинвест
- YouTube: youtube.com/channel
Реклама ҳуқуқи асосида.