Саудия Арабистони расмийлари Исроил билан муносабатларни нормаллаштириш бўйича ҳар қандай муҳокамани тўхтатаётгани ҳақида АҚШни огоҳлантирди. Бу ҳақда Elaph газетаси хабар берди.
Нашр маълумотларига кўра, бу қарорга Биньямин Нетаньяху бошчилигидаги Исроил вазирлар маҳкамасининг фаластинликларга нисбатан “экстремизми” сабаб бўлган. Исроил бош вазири канселяриясидаги манбага кўра, мамлакат раҳбарияти Саудия Арабистони позициясидан саросимага тушган. Нетаняху, кўплаб вазирлар ва экспертлар Ар-Риёд муносабатларни Фаластин масаласига боғламасдан яхшилашга рози бўлишини кутган.
Бир неча кун олдин АҚШ давлат котиби Энтони Блинкен Исроил ва Саудия Арабистони муносабатларининг нормаллашишига кафолат йўқлигини айтганди. Унинг таъкидлашича, бу жараёнда томонлар нафақат ўзларининг, балки фаластинликларнинг манфаатларини ҳам ҳисобга олиши керак.
Шу билан бирга, америкалик сиёсатчи Саудия Арабистони ва Исроил ўртасидаги муносабатларни тартибга солиш яҳудий давлати ва Фаластин ўртасидаги тинчлик ўрнини боса олмаслигини таъкидлади.
2022 йил декабрь ойида Исроил бош вазири Бенямин Нетаняху Вазирлар Маҳкамасининг асосий вазифаларидан бири Исроил ва араб давлатлари ўртасидаги “тинчлик доирасини кескин кенгайтириш” бўлишини айтганди. 2023 йил 10 март куни Эрон ва Саудия Арабистони икки ой ичида дипломатик муносабатларни тиклаш ва элчихоналарини қайта очишга келишиб олган.
Изоҳ (0)