Финляндия парламенти ресторанлари Pepsi Россиядаги фаолиятини давом эттираётганлиги сабабли ушбу компания маҳсулотлари сотувини тўхтатди.
Финляндиянинг Yle телерадиокомпанияси хабарига кўра, PepsiCо маҳсулотлари энди парламент биносида сотилмайди. Қарор депутат Томас Кеттуненнинг шикоятидан сўнг қабул қилинди, у парламентни “қонли Pepsi” савдосини тўхтатиш орқали “ўрнак кўрсатишга” чақирди.
2022 йил март ойида PepsiCо Россияда реклама ва ичимликлар ишлаб чиқаришни тўхтатганини эълон қилганди. Бироқ 2022 йил август ойида Evervess ва Frustyle брендлари остида 7up ва Мirindа ичимликлар ишлаб чиқариш қайта тикланди. 2023 йил март ойида эса Pepsi ичимлиги Evervess ва “Любимий” брендлари остида ишлаб чиқарила бошланди.
Изоҳ (0)