Наманган халқаро аэропортининг янгиланган учиб келиш терминали фойдаланишга топширилди. Бу ҳақда “Дарё” мухбири Азизбек Абдувалиев хабар бермоқда.
Терминалнинг йўловчиларга хизмат кўрсатадиган умумий майдони реконструкциядан кейин 2,5 бараварга кўпайди. Аввал бу ерда соатига 100 кишига хизмат кўрсатилган бўлса, ушбу кўрсаткич уч бараварга ошиб, соатига 300 нафар йўловчига етди.
Фото: Жаҳонгир Акрамов
Шунингдек, терминалда электр энергиясига бўлган эҳтиёжнинг муайян қисмини қопловчи қуёш панеллари ўрнатилди.
Фото: Жаҳонгир Акрамов
Кутиб олувчиларнинг машиналари ва йўналишли транспорт учун 100 ўринли автотураргоҳ ташкил этилди.
Фото: Жаҳонгир Акрамов
Мазкур мақсадлар учун 17 миллиард сўмдан ортиқ маблағ сарфланди. Келгусида аэропортнинг учиб кетиш терминалини ҳам реконструкция қилиш режалаштирилмоқда.
Наманган вилояти ҳокими Шавкат Абдураззоқов
Фото: Жаҳонгир Акрамов
“Ёнимиздаги Ўш аэропортини таҳлил қиладиган бўлсак, ўзи кичкина бўлса ҳам, йўловчиларни қабул қилиб олиш ва кузатиш борасида катта имкониятларга эга. Буни Наманган мисолида ҳам қўллашимиз зарур, чунки вилоят водийнинг ҳаво дарвозаси ҳисобланади”, — деди очилиш маросимида иштирок этган вилоят ҳокими Шавкат Абдураззоқов.
Фото: Жаҳонгир Акрамов
Маросимдан сўнг янгиланган терминалда Екатерингбургдан парвоз қилган халқаро ва Тошкентдан учиб келган маҳаллий рейс йўловчилари тантанали кутиб олинди.
Фото: Жаҳонгир Акрамов
Изоҳ (0)