Украина Мудофаа вазирлигининг Бош разведка бошқармаси бошлиғи Кирилл Буданов “яқин орада” украинлар Қримда рус ҳарбийлари қандай йўқ қилинаётганини “кўришини” айтди. Бу ҳақда ITV хабар берди.
Будановнинг сўзларига кўра, “афсуски, Қрим деоккупациясидан жуда қўрқаётганлар бор, лекин кутаётганлар ҳам кўп”.
“Уларнинг умидлари беҳуда эмаслигига ишонч билдиришимиз керак. Шунинг учун Қрим платформаси, вақтинча босиб олинган ҳудудларда қаршилик ҳаракати каби тадбирларни ўтказишимиз керак. Шунчаки Қримдаги босқинчиларни йўқ қилиш. Умуман олганда, яқин орада буни кўрасиз”, — деди у.
Қримнинг озод этилиши
Қримнинг деоккупацияси яқинлашиши ҳақидаги музокаралар бир неча ойдан бери давом этмоқда. Июль ойи охирида Кирилл Буданов яқин орада Украина Қуролли кучлари ярим орол ҳудудида бўлишини прогноз қилганди. Мутахассислар ҳам бу вақт яқинлашаётганига ишонч ҳосил қилмоқда.
Изоҳ (0)