Бирлашган Араб Амирликлари (БАА) президенти Муҳаммад бин Зайд ал-Наҳаён Дубайда Россия ва Украина президентлари ўртасида учрашув ташкил этишни режалаштирмоқда. Бу ҳақда дипломатик манбаларга таяниб, L’Orient-Le Jour газетаси хабар берди.
Нашр маълумотларига кўра, Наҳаён 30 ноябрдан 12 декабрга қадар Дубайда ўтказилиши режалаштирилган БМТнинг иқлим бўйича COP28 конференциясида президентлар учрашувини ташкил қилмоқчи. БАА президенти аллақачон Рим папасини қўллаб-қувватлашига таянган, у ҳам ушбу режаларга ҳисса қўшиш ниятида.
“АҚШ президенти Жо Байден Путин ва Зеленский ўртасидаги учрашувни Дубайда ташкил этиш режалари ҳақида ҳам маълум қилинган. У ташаббусни қўллаб-қувватлаган ва зарур ёрдам кўрсатишга тайёр”, — дейилади хабарда.
Путин ва Наҳаён учрашуви
Путин ва Наҳаён июнь ойида Санкт-Петербургдаги иқтисодий форум доирасида музокара ўтказганди. Кремль раҳбари БАА ва Россия ўртасидаги муносабатлар муваффақиятли ривожланаётганини айтиб, Наҳаёнга гуманитар масалаларни ҳал этишдаги саъй-ҳаракатлари учун миннатдорлик билдирган.
Ўшанда ал-Наҳаён БАА Украинадаги можарони ҳал қилишда ёрдам беришга тайёрлигини айтган.
Араб давлатлари урушни тугатиш бўйича ўз ҳиссасини оширмоқда
5-6 август кунлари Саудиянинг Жидда шаҳрида Украинадаги урушни тинч йўл билан ҳал қилиш бўйича музокаралар бўлиб ўтди. Учрашувда Киев ўзининг “тинчлик формуласи”ни тақдим қилиши керак эди. Йиғилишда 40 га яқин давлат қатнашган, Россия унга таклиф этилмаган.
Музокаралар давомида Саудия ўзининг тинчлик режасини тақдим этган, у қуйидагиларни ўз ичига олган:
- Украина ҳудудий яхлитлигини сақлаш;
- барча жабҳаларда ўт очишни тўхтатиш;
- БМТ назорати остида тинчлик музокараларини бошлаш;
- асирларни алмашиш.
Бироқ Саудиянинг режаси Киевнинг рус қўшинларни Украина ҳудудидан тўлиқ олиб чиқиб кетиш талабига зиддир.
Россиянинг позицияси
Россия томони Жиддага таклиф қилинмаган, Кремль 31 июль куни “Россия бу учрашувни кузатишини” айтган.
ТИВ матбуот котиби Мария Захарова Жиддадаги учрашувни “Россияга қарши коалиция тузиш”га уриниш сифатида баҳолашини таъкидлаган.
Россия Хавфсизлик кенгаши раиси ўринбосари Дмитрий Медведев 6 август куни “урушни тугатиш истагини қоралаш қийин”, деб таъкидлаган.
У тарихий контекст ва ҳозирги воқеликни инобатга олиш кераклигини айтган. Медведев конфликтнинг ҳар икки томонининг иштироки каби шартлар бажарилсагина, тинчлик таклифлари муваффақиятли бўлиши мумкинлигини билдирган.
Изоҳ (0)