Польша чегара орқали Украинадан ғалла ва бошқа қишлоқ хўжалиги маҳсулотлари экспортини ошириш учун зарур бўлган инвестициялар ҳисоб-китобини Европа комиссиясига тақдим этди.
Зарур бўлган умумий сармоя миқдори 1 миллиард еврони ташкил этади, деди Польшанинг Европа Иттифоқидаги доимий вакили Анжей Садош PAP агентлигига берган интервьюсида.
“Бир ярим йил давомида биз Украина ғалласининг учинчи мамлакатларга, айниқса Африкага транзитини оширмоқчимиз. Бироқ бу инвестицияларни талаб қилади ва биз комиссияга инфратузилма имкониятларини ошириш бўйича аниқ ҳисоб-китобларимизни юбордик”, — деди Анжей Садош.
Унинг сўзларига кўра, Дорогуск-Ягодзин, Гребенне-Рава Руска, Корчова-Краковец назорат-ўтказиш пунктларида оғир автомашиналар учун чегара терминалларини кенгайтириш, шунингдек, Перемишл шаҳрида (Польша-Украина чегарасида жойлашган) темирйўл инфратузилмасини яхшилаш учун 500 миллион евро зарур.
Маблағнинг иккинчи қисми Польша ва Украина ўртасидаги темирйўлларнинг чегарадан ўтиш жойларини модернизация қилиш, юк машиналари учун терминаллар қуриш ва чегарада юк ташишни бошқариш инфратузилмасини яратишга йўналтирилиши режалаштирилган.
Изоҳ (0)