Украина Миллий хавфсизлик ва мудофаа кенгаш котиби Алексей Данилов Россияда Москвага юриш билан яна бир исён бўлиши мумкинлигини айтди. Бу ҳақда у Twitter'да твит қолдирди.
Даниловнинг сўзларига кўра, Кремль учун ҳозирги вазият Москвага қарши кампанияга тайёргарлик кўришдан иборат.
“Вазият шундай ривожланмоқдаки, Россия учун Киевга қарши амалга ошмаган иккинчи ҳужум истаги Москвага қарши иккинчи кампанияни кутиб олишга шошилинч тайёргарлик кўриш зарурати билан қопланади.
Бу вазият ўз вақтида бўлиб, кечиктирилмайди. Россияда норози одамларнинг турли рангдаги норозиликлари ўсишда давом этмоқда, уни орқага суриб бўлмайди”, — деди у.
Россияда исёнга уриниш ёхуд Пригожин исёни
2023 йил 23-24 июнь кунлари Россияда “Вагнер” хусусий ҳарбий кампанияси раҳбари Евгений Пригожин томонидан исён кўтаришга уриниш бўлди. Хусусан, Пригожин “Адолат марши”ни бошлаганини, унинг мақсади Москвага етиб бориш эканини айтди.
У рус ҳарбийларини Россия мудофаа вазири Сергей Шойгу ва Бош штаб бошлиғи Валерий Герасимов буйруғи билан “Вагнер” лагерларига ҳужум қилганликда айблади.
Қўзғолон пайтида Ростов-Дон ва Воронеж қўлга олинди, бир нечта вертолётлар ва ҳарбий самолётлар уриб туширилган, оқибатда камида ўн нафар рус ҳарбийси йўқ қилинган.
Россия президенти Владимир Путин Пригожинни давлатга хиёнатда айблади. Бироқ кечқурун, Беларусь раҳбари Александр Лукашенко билан музокаралардан сўнг Пригожин ўз жангариларининг Москвага юришини тўхтатди.
Кремль Пригожинга қарши қуролли исён бўйича жиноий иш тўхтатилиши, вагнерчилар жиноий жавобгарликка тортилмаслиги ва Пригожиннинг ўзи Беларусга кетиши мумкинлигини билдирди.
Бир неча кундан сўнг Путин ўз армияси ва хавфсизлик кучларига исённинг олдини олгани учун миннатдорлик билдирди.
Изоҳ (0)