Покистоннинг Хайбар-Пахтунхва вилоятида “Ислом уламолари кенгаши” партияси қурултойида содир бўлган портлашда камида 35 киши ҳалок бўлди, 200 киши жароҳатланди, деб хабар бермоқда Gео телеканали фавқулодда хизматларга таяниб.
Ҳодиса маҳаллий вақт билан 16:00 атрофида содир бўлган. Полиция мазкур портлашни теракт деб атади.
Партия раҳбари Ҳофиз Ҳамдулланинг айтишича, у ҳам қурултойда иштирок этиши керак эди, лекин шахсий сабабларга кўра қатнаша олмаган. У портлашни қоралаганини, воқеани “терроризм” деб атаганини, мамлакат ва вилоят раҳбариятидан тергов бошлашни талаб қилганини қайд этди.
Ҳамдуллоҳ, шунингдек, партия тарафдорларини портлаш қурбонларига ёрдам бериш учун қон топширишга чақирди.
Покистон Халқ партияси раиси, мамлакат ташқи ишлар вазири Билавал Бҳутто Зардорийнинг айтишича, федерал ва вилоят ҳукуматлари террорчиларнинг шерикларини жавобгарликка тортиши керак. У ҳалок бўлганларнинг оила аъзоларига ҳамдардлик билдирар экан, теракт ташкилотчилари йўқ қилиниши кераклигини таъкидлади.
Изоҳ (0)