“Манчестер Юнайтед” ва “Интер” Андре Онана трансфери бўйича якуний келишувга эришди.
The Athletic нашрининг хабарига кўра, трансфер нархи 51+4 миллион еврони ташкил этади. Клублар 17 июль куни якуний келишувга эришган.
Андре манкунианликларнинг таклифига рози бўлганди ва бир йилга узайтириш ҳуқуқи билан 2028 йилгача мўлжалланган шартнома борасида келишувга ҳам эришганди.
Ҳозирча, Онана тиббий кўрикни қаерда ўтказишини номаълум. Дарвозабон ё Манчестерда ёки бошқа бир шаҳарда тиббий кўрикдан ўтади. Ундан сўнг “Манчестер Юнайтед”нинг АҚШдаги турига қўшилади.
Сўнгги ҳужжатлар имзоланиши билан трансфер расман эълон қилиниши кутилмоқда.
Эслатиб ўтамиз, “қизил иблислар”нинг асосий дарвозабони Давид де Хеа клубдаги 12 йилдан сўнг уни тарк этди.
Изоҳ (0)