Ўзбекистон тижорат банкларида доллар курси охирги 15 ойдаги энг юқори кўрсаткичга чиқди

Ўзбекистон тижорат банклари 12 июлдан доллар курсини ўртача 15-20 сўмга оширди.

Ҳозирда деярли барча кредит муассасаларида АҚШ валютаси 11 630 сўмдан сотилмоқда — бу каби юқори кўрсаткич охирги марта 2022 йил 17 мартда кузатилган эди. Шу билан бирга, мазкур турдаги валюталар 60-110 сўм арзонга сотиб олинмоқда.

Долларни энг арзон Tenge Bank сотмоқда — 11 620 сўм. “Алоқабанк”, “Микрокредитбанк”, “Пойтахтбанк”, “Туронбанк”, Asia Alliance Bank, Garant bank, Invest Finanfce Bank, Ravnaq-bank эса энг яхши харид нархларини таклиф қиляпти — 11 570 сўм.

Куни кеча Марказий банк хорижий валюталарнинг ўзбек сўмига нисбатан 12 июлда амалда бўладиган қийматини 18,54 сўмга кўтарди — расмий курс 11 574,13 сўмни ташкил қилмоқда. 5 июль куни Америка валютасининг қиймати 11 541 сўмга чиққанди. Spot’нинг ёзишича, курснинг бундай кўтарилиши 2022 йил 24 мартда кузатилган. Ўшанда 2020 йил апрель ойидан бери биринчи марта доллар курси бир кунда 100 сўмдан кўпроқ ошган. Банклар долларни 11 385 сўмдан сотишни бошлаган эди.