Франциянинг Нантер шаҳрида ўсмирни отиб ташлаган полициячи ўт очишга мажбур бўлганини, чунки у ўз ҳаётидан қўрққанини тушунтирди. Бу ҳақда 6 июль куни Le Parisien газетаси ҳибсга олинган ҳуқуқ-тартибот ходими Флориан М.нинг тергов варақасига таяниб хабар берди.
Полициячининг тушунтиришича, 27 июнь куни эрталаб у шахсини текшириш учун Мерседес'ни тўхтатган. Ҳайдовчи қочиб кетишга ҳаракат қилиб, олдинга ва орқага юра бошлаган. Бироқ, газетанинг қайд этишича, бу гаплар тасдиқланмаган, гарчи видеода йигитнинг “йўлдан қоч” деб қичқираётгани акс этган бўлса ҳам.
Хавфсизлик ходимининг айтишича, у машина ва орқасидаги паст девор ўртасида қолиб кетган, шунинг учун тўппонча тепкисини босишга қарор қилган. Бундан ташқари, эркакнинг сўзларига кўра, унинг шериги ўлим хавфи остида бўлган – у ён ойнаси орқали салонга эгилиб, машинанинг калитини бураб, моторни ўчирмоқчи бўлган.
Суҳбат ёзувлари таҳлили шуни кўрсатдики, ўсмирга қаратилган "бошингга қараб ўқ узамиз" ибораси тепкини босган полициячининг ҳамкасби томонидан айтилган.
Тиббий текширувлар шуни кўрсатдики, ўсмир битта ўқдан ҳалок бўлган: ўқ машина олд ойнасини ва йигитнинг билагини тешиб ўтиб, кўкрагига қадалган.
Изоҳ (0)