Туркия президенти Ражаб Тоййиб Эрдўғон украиналик ҳамкасби Владимир Зеленскийни мамлакатга ташриф буюришга таклиф қилди. Бу ҳақда Sabah хабар берди.
Эрдўғон НАТОнинг Вильнюсдаги саммити олдидан Зеленскийни музокаралар учун Туркияга таклиф қилган. Сиёсатчилар нималарни муҳокама қилиши номаълум.
“Украина ва Туркия президентлари Истанбулда учрашади”, — дейилади хабарда.
Туркия раҳбари Россия президенти Владимир Путин ва Зеленский билан тез-тез учрашадиган етакчилар қаторидан жой олган.
Эрдўғон ва Зеленскийнинг Туркия ҳудудида учрашиши тасдиқланган. Украина раҳбари Туркияга эртага, 7 июль куни келиши кутилмоқда. Ҳозирда у амалий ташриф билан Болгарияда экани маълум.
Вильнюсдаги НАТО саммити: сўнгги янгиликлар
- 11-12 июль кунлари Вилнюсда НАТОнинг навбатдаги саммити бўлиб ўтади,
- у асосан Россия-Украина уруши, Украинани қўллаб-қувватлаш ва Украинанинг НАТОга аъзо бўлиш истиқболлари масалаларига бағишланади.
- Зеленский аллақачон саммитга таклифнома олган, бироқ Украина у ерга аъзо бўлиш истиқболи бўйича аниқ жавоб ололмаса, бормаслигини билдирган.
Шу билан бирга, ҳарбий разведка раҳбари Кирилл Буданов бу саммит Украина учун бурилиш нуқтаси бўлмаслигини айтди. Унинг сўзларига кўра, украиналикларнинг умидлари амалга ошмайди: “баъзи сўзлар” айтилади, лекин бошқа ҳеч нарса бўлмайди.
Изоҳ (0)