Украина қуролли қўшинлари ҳозирча ўз кучларининг асосий қисмини давом этаётган қарши ҳужумга жалб қилгани йўқ, деди Украина Қуролли кучлари бошлиғи, генерал-полковник Александр Сирский The Guardian нашрига берган интервьюсида.
“Айтишим керакки, бизнинг асосий кучларимиз ҳали жангларда қатнашгани йўқ. Биз душман мудофаасидаги заиф томонларни қидирмоқдамиз. Ҳали ҳаммаси олдинда”, — деди бош қўмондон.
Унинг сўзларига кўра, “ҳамма бир зумда ва дарҳол ғалаба қозонишни хоҳлайди”, лекин бу бир оз вақт талаб қилишини тушуниш керак. Чунки жанг қилаётган ҳар икки томондан жуда кўп кучлар, кўплаб техникалар ўртага ташланган.
“Биз душманнинг кучини паст баҳоламаслигимиз керак. Душман ҳаракатларимизнинг энг хавфли йўналишларини олдиндан кўрган ва у ерда мустаҳкам мудофаа тизими қурмоқда, уни бузиб ўтиш жуда қийин”, — таъкидлади Сирский.
Изоҳ (0)