“Вагнер” хусусий ҳарбий компанияси жангчилари сафида Россиянинг Украинадаги босқинида қатнашган 32 минг собиқ маҳбус уйга қайтди. Бундай маълумотни компания асосчиси Евгений Пригожин хабар қилди.
Пригожиннинг сўзларига кўра, урушдан сўнг озодликка чиққанлар 83 та янги жиноят содир этган — бу қамоқдан “Вагнер” билан шартнома тузмасдан озод қилинган шахсларнинг янги жиноятларидан 80 баравар кам.
Украинадаги урушда қатнашиш учун Россия колонияларидан маҳбуслар ёлланаётгани 2022 йилнинг ёзида маълум бўлганди. Бунинг эвазига маҳкумларга нақд пул тўлаш ва афв этиш ваъда қилинган. Россия президенти Владимир Путин Украинада жанг қилишга рози бўлган маҳбусларни афв этиш тўғрисидаги фармонларни имзолаётганини тасдиқлаган.
Дастлаб, маҳбусларни урушга ёллаш билан “Вагнер” шуғулланган. 2023 йил февраль ойида Евгений Пригожин компания маҳбусларни ёллашни тўхтатганини эълон қилди. Хабарларга кўра, энди Россия Мудофаа вазирлиги топшириғи билан маҳбусларни урушга жалб қилиш бошланди.
Умуман олганда, Пригожиннинг сўзларига кўра, “Вагнер” 50 000 маҳбусни ёллаган, уларнинг 20 фоизи ҳалок бўлган.
Изоҳ (0)