Буюк Британиянинг собиқ бош вазири Борис Жонсон Британия парламенти депутати лавозимини локдаун пайтидаги зиёфат билан боғлиқ можаро туфайли тарк этади.
BBC хабарига кўра, Жонсон Жамоатчилик палатаси қўмитаси ҳисоботини ўқиб чиққанидан кейин шундай қарорга келган.
Баёнотида у қўмитани танқид қилди ва унинг мақсади “фактларга қарамай, уни айбдор деб топиш” эканлигини айтди. Жонсоннинг таъкидлашича, у кўрган ҳисобот лойиҳаси “ноаниқликлар ва нотўғри қарашларга тўла”.
Унинг таъкидлашича, қўмита “уни парламентдан чиқариб юбориш учун унга қарши ишни қўллашга қатъий қарор қилган”.
“Улар ҳанузгача мен қасддан Жамоатчилик палатасини чалғитганим ҳақида ҳеч қандай далил келтирмадилар”, — деди у “ёлғон гапирмаганини” таъкидлаб.
Изоҳ (0)