Тошкентда 55 ёшли эркак кўп қаватли уй подъездида 7 ёшли қизга тегажоғлик қилгани ҳақида хабар берилган эди. Пойтахт ИИББ ҳолат юзасидан жиноят иши қўзғатилганини маълум қилди.
Расмий хабарга кўра, 7 июнь куни тахминан соат 17:00 ларда 1968 йилда туғилган Х.А. Мирзо Улуғбек тумани Мирзо Улуғбек кўчасидаги кўп қаватли уйлардан бирининг йўлагида вояга етмаган, 2015 йилда туғилган Л.С.га нисбатан уятсиз-бузуқ ҳаракатлар содир этган.
Мазкур ҳолат юзасидан Мирзо Улуғбек тумани ИИО ФМБ ҳузуридаги Тергов бўлими томонидан Жиноят кодексининг 119-моддаси (жинсий эҳтиёжни зўрлик ишлатиб ғайритабиий усулда қондириш) билан жиноят иши қўзғатилган.
Гумон қилинувчига нисбатан қамоқ эҳтиёт чораси қўлланган. Тергов давом этмоқда.
Изоҳ (0)