Тўғри ва мазали нонушта — муваффақиятли куннинг асоси. Баъзи овқатлар организмни энергия билан таъминлаш борасида бошқалардан кўра яхшироқдир. Эрталабки соатларда айнан уларга устунлик бериш керак, деб ёзади The Voice Mag нашри.

Агар эрталаб уйғонишингиз жуда қийин бўлса, устма-уст қаҳва ичингиз шарт эмас. Албатта, иссиқ ичимлик кўнгилни кўтаришга ва ишчан кайфиятни созлашга ёрдам беради. Аммо бизни энергия билан таъминлайдиган кофеиндан яхшироқ ва хавфсизроқ бошқа озиқ моддалар борлигини унутманг.

Цитрус мевалари

Лимон, апелсин, мандарин, грейфрут ва бошқа турдаги цитрус меваларида организмни фаоллаштирадиган C витаминининг икки ҳисса дозаси мавжуд. Асосийси, уларни табиий шаклда истеъмол қилиш. Янги сиқилган шарбат кўпроқ нонушта маҳсулоти сифатида анча таниш, лекин унда шакар миқдори кўпроқ.

Қора шоколад

Таркибида юқори миқдорда (камида 50-70 фоиз) какао бўлган шоколад организмни калий, магний, синк ва бошқа минераллар билан таъминлайди. Бундан ташқари, какао таркибида алкалоидлар гуруҳидан теобромин мавжуд бўлиб, у асаб тизимини фаоллаштиради ва уйқучанлик туйғусини енгиллаштиради.

Банан

Витаминлар ва юқори толали таркиб билан бир қаторда, банан калийга бой. Ушбу микроэлемент бутун тананинг соғлом ишлашини қўллаб-қувватлайди ва кун давомида куч беради.

Зираворлар

Долчин, занжабил, қалампир ва бошқа қиздирувчи зираворлар метаболизмни тезлаштиради ва энергия билан таъминлайди. Улардан баъзилари эрталабки овқатларга қўшилиши мумкин, бошқалари эса қаҳва ёки чойга  солиб истеъмол қилинади. Шулар орқали нонуштангизни янада мазали қилинг!