Украина уруш тугагунига қадар НАТОга аъзо давлатларнинг қўшинларини ҳудудига киритмайди. Бу ҳақда Украина ташқи ишлар вазири Дмитрий Кулебага таяниб, “Европейская правда” хабар берди.
“Украина ҳудудидаги қуролли можаро тугамагунча, хорижий давлатлар ўз қўшинларини давлатимиз ҳудудига киритмайди. Қолаверса, биз буни талаб қилмаймиз. Биз, қурол беринг, ўзимиз улар билан жанг қиламиз, деймиз”, — деди Кулеба.
У Украина НАТОга қўшилгандан сўнг, украин армияси мудофаа учун альянснинг бошқа мамлакатларига жойлаштирилишини қўшимча қилди.
Украинага F-16 қирувчи самолётлари берилишини изоҳлар экан, ТИВ раҳбари бу амалга ошиши, лекин аввало машғулотлар жараёнини ташкил этиш ва бошқа масалаларни ҳал қилиш зарурлигини билдирди.
Шунингдек, Кулеба Украинанинг НАТОга аъзолиги урушни тўхтата олмаслигини, аммо бу янги урушларнинг олдини олишини қўшимча қилди.
Изоҳ (0)