Россия Хавфсизлик кенгаши раиси ўринбосари Дмитрий Медведев НАТОнинг собиқ бош котиби Андерс Фог Расмуссеннинг альянсга аъзо баъзи давлатлар Киевга ёрдам бериш учун мунтазам армия жўнатиши мумкинлиги ҳақидаги гапига муносабат билдирди. Медведев айтганидан Расмуссенни “ақлли одам эмас” деб атади.

"Хўш, бу мамлакатлар аҳолисидан аскар жўнатиш бўйича розилик сўрашдими? Улардан қайси бири Россия билан урушни хоҳлайди? Сиз Европага гипертовушли зарба берилишни хоҳлайсизми, шунақами? “Сем амаки” (АҚШ) бу ҳақда нима деб ўйлайди? Ахир, бу унга ҳам таъсир қилади”, деб ёзди Медведев ўзининг Telegram каналида.

8 июнь куни НАТОнинг собиқ бош котиби Расмуссен альянс қўшинлари Украина можаросида бевосита иштирок этиши мумкинлигини айтди. Унинг сўзларига кўра, альянснинг Вилнюсдаги саммитида мамлакатга хавфсизлик кафолатлари берилмаса, бир гуруҳ НАТО давлатлари Украинага қўшин жўнатиши мумкин.