Россия президенти Владимир Путиннинг режасида Рим папасининг Россия-Украина можаросини ҳал қилиш бўйича элчиси вазифасини бажарувчи кардинал Маттео Зуппи билан учрашув ҳозирча йўқ. Бу ҳақда давлат раҳбари матбуот котиби Дмитрий Песков маълум қилди.
“Ҳозир бундай режа йўқ. Агар пайдо бўлса, биз сизга хабар берамиз”, — деди Дмитрий Песков президентнинг понтификнинг махсус вакили билан учрашув ўтказиш режалари ҳақидаги саволга жавоб берар экан.
Бугун эрта тонгда Бутунжаҳон қадим эътиқод эгалари иттифоқи раиси Леонид Севастянов кардиналнинг Киевдан кейин Москвага бориш режалари ҳақида маълум қилган эди. Хабар берилишича, Маттео Зуппи 5-6 июнь кунлари Украина пойтахтига келиб, маҳаллий ҳокимият билан можарони ҳал қилиш йўлларини муҳокама қилади.
Изоҳ (0)