Тошкент шаҳар Шайхонтоҳур туманида фуқаро ва унинг онасига 20 минг долларга Ҳаж визасини олиб бермоқчи бўлганлар ушланди.
Хабарга кўра, ҳуқуқни муҳофаза қилувчи идоралар ходимлари 31 май куни фуқаро Ю.А. нинг аризасида келтирилган важларни текшириб кўриш мақсадида Шайхонтоҳур туманида жойлашган “Э.Р” МЧЖ офисида тезкор тадбир ўтказган.
Тадбирда “Э.Р” МЧЖ раҳбари Х.М. ва менежер Б.Ч. бир гуруҳга бирлашиб, олдиндан жиноий тил бириктириб, фуқаро А.М.нинг ишончига кирган. Унга ва онасига юқори лавозимда ишловчи мансабдор танишлари орқали 20 000 АҚШ доллари эвазига Ҳаж зиёратини амалга ошириш учун Ҳаж визаси қилиб беришни ваъда қилиб, шундан 4000 АҚШ долларини олган вақтда холислар иштирокида ашёвий далиллар билан ушланган.
Мазкур ҳолат юзасидан департаментнинг Яшнобод тумани бўлими томонидан фуқаролар Я.Х. ва М.Б. ва бошқаларга нисбатан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)