Ёзда қуёш нурларидан баҳраманд бўлишга одатланганмиз. Аммо бу теримиз учун ҳар доим ҳам хавфсиз эмас. Қуёш уришидан сақланишингизга ёрдам берадиган бир неча ҳимоя усуллари ҳақида гаплашамиз.
Ёрқин рангдаги кийим кийинг
Ёрқин ранглар ултрабинафша нурларни кўпроқ қайтаради. Шунинг учун ёзги сайрлар учун ёрқин ранглардаги кийимларни танланг. Тадқиқотга кўра, қизил, кулранг ва сариқ рангли кийимлар иссиқликни яхши қайтаради.
Ялтироқ кийимларни танланг
Ялтироқ ва шойи матолар бошқа материалларга қараганда ултрабинафша нурларни кўпроқ қайтаради. Лайкра, нейлон ва акрил каби материаллардан тайёрланган кийимлар ажойиб танловдир.
Синтетик кийим кийишдан қўрқманг
Умуман олганда, ёзда пахта, вискоза ёки зиғир каби табиий толалардан тайёрланган кийимларни кийса бўлади, чунки бундай кийимлар иссиқда ҳақиқатан ҳам қулайроқ.
Бироқ баъзи тадқиқотлар шуни кўрсатадики, синтетик кийимлар ултрабинафша нурларни юқори даражада ютиш қобилиятига эга, бу эса қуёшдан мукаммал ҳимоя қилади.
Ҳимоя даражасига эътибор беринг
Статистик маълумотларга кўра, ёзги кийимларнинг тахминан 30 фоизи қуёш нурларидан етарли даражада ҳимоя қилмайди. Бунинг сабаби мато жуда енгил ва ултрабинафша нурлар у орқали осонгина ўтади.
Шунинг учун агар қуёшда кўп вақт ўтказишни режалаштирмоқчи бўлсангиз, ултрабинафша нурланишдан ҳимояланиш даражаси юқори бўлган кийим танлаш керак. Одатда, бу кўрсаткич маҳсулот ёрлиғида кўрсатилган бўлади. Яхши ҳимоя даражаси SPF 30 ёки ундан юқори бўлиши лозим.
Тор кийимларни унутинг
Қоматга ёпишиб турган мато ўзининг ҳимоя хусусиятларини йўқотиши мумкин. Бундан ташқари, ёзда тор кийимда одам жуда исиб кетади.
Оёқ бармоқларини ҳимоя қилишни унутманг
Иссиқда қилиниши керак бўлган яна бир нарса — оёқларингизни ёпиб турадиган пойабзал да юриш. Очиқ пойабзал да оёқ бармоқлари кўпинча қорайиб кетади. Агар ола-була бўлишни хоҳламасангиз, SPF кремдан фойдаланинг ёки бармоқларингизни ёпиб турадиган оёқ кийим кийинг.
Бош терисини ҳимоя қилинг
Бош териси бошқа тери каби қуёш нурларидан куйишга мойил бўлади. Бошга крем суртиш қийин, сочлар эса нурланишдан унчалик яхши ҳимояланмайди. Идеал ечим — юз, қулоқ ва бўйинни ҳимоя қиладиган кенг қиррали шляпа кийишдир.
Қўлқоп кийинг
Қўллардаги қуёш креми тез ювилиб кетади. Шунинг учун, иложи бўлса, қуёшдан ҳимоя қилувчи қўлқоп кийган маъқул, айниқса, томорқа ишларида.
Кирларга оқартирадиган восита ишлатманг
Оқартирувчи воситаларни тез-тез ишлатиш матонинг қуёшдан ҳимоясини камайтириши ва терини янада заифлаштириши мумкин.
Кўчага чиқишдан 15 дақиқа олдин SPF кремдан фойдаланинг
Юз ва бўйинга кремни юпқа қилиб суртишнинг ўзи етарли эмас. Муайян тавсиялар мавжуд бўлиб, шундагина терини максимал ҳимоялашингиз мумкин. Аввало маҳсулотни кўчага чиқишдан 15 дақиқа олдин қўллаш муҳим, чунки терига сўрилиши учун вақт керак. Бундан ташқари, етарли миқдорда SPF кремини ишлатиш муҳимдир — юз ва бўйин учун камида 1 грамм. Бу тахминан 1/3 чой қошиққа тенг.