Россия Хавфсизлик кенгаши раиси ўринбосари Дмитрий Медведев 30 май куни Москвага уюштирилган дронлар ҳужумига муносабат билдирди. У ҳужумни террорчилик ҳаракати деб ҳисоблади ва бунга имкон қадар кескин жавоб бериш кераклигини айтди.
“Бу аксилтеррор кураш махсус ҳарбий операцияга айланган. Биз халқимизни ўлдираётган террорчиларга қарши курашамиз. Жавоб қандай бўлиши аниқ. Улар йўқ қилиниши керак. Худди ари уяси каби. Украинада шаклланган режим йўқ бўлиши керак, уни йўқ қилиш керак. Акс ҳолда у ердан доимо таҳдид пайдо бўлади ва биз бир йилдан ортиқ вақтдан бери ўтказилаётган амалиётга ўхшаш операцияларни доимий равишда амалга оширишга мажбур бўламиз”, — деди Медведев Волгоград вилоятидаги Прудбой полигонига ташрифи чоғида.
Хавфсизлик кенгаши раиси ўринбосарининг сўзларига кўра, Москвага ҳужумдан мақсад тинч аҳолига зарар етказиш бўлган. Унинг таъкидлашича, 30 май куни содир бўлган ҳодисада қўлланилган дронлар на ҳарбий объектларга, на давлат бошқаруви объектларига зарар етказа олмайди.
Изоҳ (0)