Буюк Британияда машҳур пишлоқ пойгаси бўлиб ўтди. Бу мусобақа ўтказилаётганига юз йилдан ошган бўлиб, унинг илдизлари узоқ тарихга бориб тақалади.
Қоидалар оддий: катта пишлоқ бўлаги Глостер шаҳри яқинидаги тик тепаликдан пастга думалатилади ва сигнал берилиши билан барча иштирокчилар бир вақтнинг ўзида унинг орқасидан югуришади. Ким марра чизиғини биринчи бўлиб кесиб ўтиб, пишлоқни қўлга кирица, уни соврин сифатида ютади.
Бу сафар чемпионатнинг бош қаҳрамони канадалик аёл бўлди. Аммо унинг ғалабаси қимматга тушди, чунки марра чизиғида аёл боши билар ерга урилиб, ҳушини йўқотди.
Бу пойгалар жуда хавфли бўлиб, аввалги йилларда мусобақа иштирокчилари бел, бўйин ва бошдан жиддий жароҳатлар олган; кўплаб қатнашчиларнинг оёқлари, қўллари ва қовурғалари синган.
Расмийлар бир неча бор мусобақани тақиқлашга уринишган, бироқ мухлислар бу тақиқларга эътибор бермаяпти.
Изоҳ (0)