Тошкент вилояти Нурафшон шаҳрида МИБ томонидан дўкони бузилаётган тадбиркор ходимлар билан жанжаллашиб, уларга таҳдид қилди. МИБ ахборот хизмати ҳолат юзасидан маълумот берди.
Унга кўра, бюронинг Нурафшон шаҳар бўлими иш юритувида фуқаролик ишлари бўйича Ўрта Чирчиқ туманлараро судининг ижро варақаларига асосан қарздорлар Х.Абдурахманов, О.Оразбеков, Ш.Рахимов, Г.Шукуруллаева ҳамда Я.Салваровларнинг зиммасига “Тўйтепа” МФЙ, Й.Охунбобоев кўчасидаги ер майдонларидаги ноқонуний қурилган дўконларини ўз ҳисобидан буздириш, ва ер майдонини ўз ҳолига қайтариш мажбуриятини юклаш тўғрисидаги ижро ҳужжатлари мавжуд.
Ижро ҳужжатлари юзасидан қарздорлар ва дўконлардан фойдаланаётган фуқаролар бу ҳақида расмий равишда бир неча бор огоҳлантирилганига қарамасдан ноқонуний қурилмаларни бартараф қилмаган. Шу сабабли ижро ҳужжатини ижросини таъминлаш мақсадида мажбурий ижро ҳаракатлари
17 май куни соат 19:00 га тайинланган ҳамда тегишли органлар, ташкилотлар ва тарафларга расмий равишда талабномалар берилган.
Мазкур ижро ҳужжати ижросини таъминлаш мақсадида, кўрсатилган манзилга борилганда, ижро ҳужжатида тараф бўлмаган шахслар, яъни Ф.Қамбарова, Т.Рахманов ва З.Абдурахмановалар ижро ҳаракатларини амалга оширишга тўсқинлик қилиб, қурилмани бузиш учун келтирилган махсус техникани ёқиб юбориши ва бузиладиган бино остига ўзини ташлашини билдиришган.
Сўнгра, қарздорлар ва ижро ҳужжати бўйича тараф бўлмаган шахсларнинг 10 кунлик муддат ичида ушбу ноқонуний савдо дўконларини ўзлари ихтиёрий равишда бузишига имконият беришни сўраган.
Шу сабабли, ижро иши бўйича ушбу шахсларга 10 кунлик муддат берилган, агарда ушбу муддатда ноқонуний қурилма бузилмаган тақдирда, мажбурий бузиш ижро ҳаракатлари олиб борилади.
Изоҳ (1)
Бу бино куришга 1 соат ёки 2 соат вакт талаб киладиган жараён эмас, шундай экан бу нарсани вактида билмаслик ва курмаслик мумкин эмас. Каерга караёбди уша дукон худудидаги 1-уринда махалла раиси, фаоллари, участка нозири, унга свет тортиогандир, кадастир ва бошка фаоллар. Нега шу холатлар вактида бартарф этилмаганига хеч ким жавобгарлика тортилмайди. Раз иш очилдими кенрок олиб бориш керак ишни, керак булса жиноий иш очиш керак вактида кимдир ушбу дукон курлишидан манфаатдор булган булиши мумкин.