Россия президенти Владимир Путиннинг 9 май кунги параддан кейин МДҲ давлатлари етакчилари билан норасмий тушлиги менюси эълон қилинди. Бу ҳақда журналист Павел Зарубин хабар берди.
Тушликда Арманистон бош вазири Никол Пашинян, Туркманистон президенти Сердар Бердимуҳамедов, Ўзбекистон президенти Шавкат Мирзиёев, Қозоғистон президенти Қосим-Жўмарт Тўқаев, Тожикистон президенти Эмомали Раҳмон иштирок этган.
Беларусь раҳбари Александр Лукашенко соғлиғи сабабли тушликда қатнаша олмаган, Қирғизистон президенти Садир Жапаров эса Россия бош вазири Михаил Мишустин билан учрашгани учун тушликка боролмаган.
Журналист Павел Зарубин тушликдаги таомлар менюсини ўзининг Telegram саҳифасида чоп этган. Биринчи ва иккинчи таомлардан ташқари, меҳмонларга газаклар ва ширинликлар ҳам таклиф қилинган.
Менюдан дудланган ўрдак салати, қисқичбақали таом, аччиқ зираворли ва гўштли шўрва, қулупнай ва лаймли шарбат, қалампир соусли мол гўштидан стейк ва пистали меренга рулети ўрин олган.
Изоҳ (0)