Чеченистон раҳбари Рамзан Қодировнинг француз брендига тегишли қиммат курткаси муҳокамаларга сабаб бўлди.
Маълум қилинишича, Қодиров ўзининг TikTok қўшинлари билан учрашиш учун Louis Vuitton брендининг курткасида келган. Бренднинг веб-сайтида Қодировникига ўхшаш устки кийимнинг нархи 252 минг рублдан (тахминан 3 200 доллар) бошланади.
2022 йил Рамзан Қодировнинг кабинетида Louis Vuitton коллекциясидан бўлган зарбли сумка кўзга ташланганди. Тўпламнинг нархи 175 минг долларни ташкил қилган.
Февраль ойида Россия президентининг қиммат курткаси омма эътиборини тортганди. Владимир Путин 22 февраль куни “Лужники”даги концертга ташрифида қарийб 600 минг рубллик ( 7 931 доллар) курткада кўриниш берган.
Россия раҳбарининг кашемир кийими Франциянинг Serasin брендига тегишли. Куртка 2012 йил махсус буюртма асосида тикилган. Бу Путин захирасидаги кийимни кийган бўлиши мумкинлигини англатади.
Таъкидланишича, Brioni ва Loro Piana Россия президентининг севимли бренди ҳисобланади. 2022 йил Путин Brioni брендининг 435 минг рубллик (5 748 доллар) курткасида кўриниш берган.
Изоҳ (0)