Қирғизистон президенти Садир Жапаровнинг Бишкекдаги мактабга ташрифида ўқувчилар билан рус тилини мадҳ этувчи плакат олдида тушган сурати муҳокамага сабаб бўлди. Президент администрацияси бунга муносабат билдирди.
Плакатда “Бизга ўзлаштириш учун энг бой, аниқ ва чинакам сеҳрли рус тили берилган”, деган ёзув акс этган. Гап Садир Жапаровнинг 77-мактабга ташрифи чоғида тушган сурати ҳақида кетмоқда. Тармоқ фойдаланувчилари бунга танқидий баҳо берган.
Ҳолат юзасидан президент администрацияси матбуот хизмати раҳбари Дайирбек Орунбеков муносабат билдирган.
“Маълумки, мактабларда рус тили, математика ва кимё фанларидан алоҳида синфлар мавжуд. Мавзуларга мос равишда синфнинг ички қисми ҳам шунга монанд безатилади. Президент режадан ташқари мактабга борганида рус тили дарсида суратга тушган. Тасвир маъносини бузиб, сиёсат билан шуғулланиш, ҳазил қилиш ноўрин, деб ҳисоблаймиз”, — деган Орунбеков.
Изоҳ (0)