Украина президенти Владимир Зеленский уруш бошланганидан буён босқинчилар қўлига тушиб қолмаслик учун шахсий пистолетга эга бўлганини айтди. Бу ҳақда у “Рик.за Кадром” лойиҳасига берган интервьюсида хабар берди.
Журналист Украина президентига урушнинг дастлабки кунлари билан боғлиқ савол билан мурожаат қилди. Зеленский шу заҳотиёқ охиригача курашишга тайёр бўлгани ва ўзини ҳимоя қилиш учун унга қурол берилганини таъкидлади.
Украина президенти ҳеч ким уни асирга ололмагани, чунки Банкова кўчасининг ҳимояси (президент маъмурияти жойлашган кўча) энг майда деталларгача ўйлангани, у ерга зудлик билан қурол-яроғлар бўлган қутилар келтирилганини айтди.
“Менда пистолет бор, отишим мумкин. Украина президенти русларнинг асирлигида бўлишини тасаввур қилоласизми? Мен учун бу уят”, — дейди Зеленский.
Шу билан бирга, у доимо давлат раҳбарини нишон деб ҳисоблаш мумкин эмаслиги, лекин хавфсизлик лаҳзалар борлигини тушуниш кераклигини билдирди. Зеленский қуролни ўзига ўқ узиш учун эмас, ўзини ҳимоя қилиш учун олиб юришини қўшимча қилди.
Владимир Зеленскийга суиқасд уринишлари: уруш пайтида уларнинг сони қанча эди?
2023 йил январь ойида америкалик публицист Крис Уипплнинг китоби нашр этилди. Унда Зеленский уруш бошланганидан буён 12 дан ортиқ суиқасддан омон қолгани таъкидланади. Бундай маълумотлар тармоқда Америка разведка агентлиги раҳбари Уилям Бернснинг Украина пойтахтига ташрифидан кейин пайдо бўлган.
Китобда айтилишича, америкаликларнинг меҳнати туфайли камида иккита суиқасднинг олди олинган.
2022 йилнинг март ойида The Times газетаси Украина разведка хизматлари бир ҳафта ичида Зеленскийга уч марта суиқасд уюштирилишининг олдини олганини ёзганди. Ушбу операцияни “Вагнер” аскарлари ва Чеченистоннинг махсус кучлари тайёрлагани айтилган.
2022 йил 9 март куни Украина президенти офиси раҳбари маслаҳатчиси Михаил Подоляк ҳам шу мавзуда маъруза қилган. Ўшанда ҳам у давлат раҳбарига ўндан ортиқ суиқасд уринишларни ҳисоблаган.
“Чунки биз доимий равишда ҳукумат кварталига киришни хоҳлайдиган саботаж ва разведка гуруҳлари борлиги ҳақида тезкор маълумотларга эгамиз. Бизда жуда кучли разведка ва контрразведка тармоғи бор, улар ҳаммасини кузатиб боради ва барча гуруҳлар йўқ қилинади. Биз барча режаларни тушунамиз, уларга мувофиқ контрразведкамизни ишлаб чиқамиз”, — деган Михаил Подоляк.
Изоҳ (0)