Фарғонада қарийб 1000 долларлик машина рулларини ўғирлаган шахс ушланди

Фарғона шаҳрида савдо дўконидан 960 долларлик 6 дона автомашина рулини ўғирлаган шахс ушланди. Бу ҳақда вилоят ИИБ ахборот хизмати хабар берди.

Хабарга кўра, фуқаро М.С. ИИБга мурожаат қилиб бу ҳақда маълум қилган. У ўз мурожаатида 10 апрель кунига ўтар кечаси номаълум шахс Баҳор кўчасида жойлашган савдо дўконига ғайриқонуний равишда кириб, у ерда бўлган умумий нархи 960 долларлик 6 дона автомашина рулини ўғирлаб, ҳодиса жойидан яширинганини маълум қилган.

Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан жиноят кодексининг 169-моддаси 2-қисми “г” банди (ўғрилик) билан жиноят иши қўзғатилган.

Олиб борилган тезкор-суриштирув ишлари давомида ушбу жиноятни К.М содир этгани аниқланиб, тергов ҳаракатлари олиб борилмоқда.

Аввалроқ Фарғона вилояти Қўқон шаҳрида бозорда аёллар кўйлакларини ўғирлаган эркак ушланган эди.