Ифторликка қат-қат хамирдан исмалоқли ва пишлоқли пирожки тайёрлаймиз

Қат-қат хамирдан тайёрланадиган ушбу пишириқни нонуштага истеъмол қилишингиз мумкин. Уни бошқа маҳсулотлардан ҳам тайёрласангиз бўлади.

Керакли масаллиқлар:

• исмалоқ — 300 г
• чеддер пишлоғи — 120 г
• қаймоқли пишлоқ — 240 гр
• туз — таъбга кўра
• мурч — таъбга кўра
• хамиртурушсиз қат-қат хамир — 500 г
• тухум — 1 дона
• кунжут — таъбга кўра

Тайёрланиши:

1. Исмалоқни майда қилиб тўғраб, сувини сиқиб олинг. Чеддер пишлоғини ўртача тишли қирғичдан ўтказинг.
2. Исмалоқни чеддер ва қаймоқли пишлоқ, таъбга кўра туз ва мурч билан аралаштиринг.
3. Печни 200 даража ҳароратда олдиндан қиздиринг. Листга пишириқ қоғози солинг.
4. Қат-қат хамирни 3-4 мм қалинликда ёйиб, 10-12 та бир хил квадратларга кесиб олинг.
5. Ҳар бир квадрат шаклидаги хамирнинг ярмига 2 чой қошиқ масса қўйинг. Хамирнинг учини сув суртинг, диагонал равишда қатланг ва бироз устидан босинг.
6. Учбурчак шаклидаги пишиқларни листга қўйинг. Унинг устига тухум суртинг ва кунжут сепинг. Пирожкиларни қизаргунга қадар 15-20 дақиқа давомида пиширинг.

Ёқимли иштаҳа!