“Кунига битта олма истеъмол қилинг, шифокорнинг кераги йўқ” деган гапни кўпчилик эшитган. Олманинг инсон организмига фойдали жиҳатлари жуда кўп. The Voice нашри олма истеъмол қилишнинг фойдалари ҳақида маълумот берди.
Ошхонадаги турли хил ширинликлар, таомлардан тортиб газак сифатида ҳам ишлатиш мумкин. Қайси навни афзал кўришингиздан қатъи назар, битта катта олма тахминан қуйидаги фойдали моддаларни ўз ичига олади:
- калория — 125 ккал
- ёғ — 0,5 гр
- углеводлар — 33,4 гр
- клетчаткалар — 5,8 гр
- шакар — 10 гр
Олма таркибида C, К витамини, калий, бета-каротин, фолий кислотаси ва лутеин ҳам мавжуд.
Олма озишга ва диабетдан халос бўлишга ёрдам беради
American Journal оf Clinical Nutrition журналида чоп этилган ҳисоботга кўра, битта бутун олмани истеъмол қилиш иштаҳанинг бўғилишига ёрдам беради. Бу вазнни назорат қилишга ҳисса қўшади, чунки оч бўлмаган инсон ортиқча овқатланишга мойил бўлмайди. Бу таъсирга олма таркибидаги пектиннинг юқори миқдори туфайли эришилади — узоқ ассимиляция занжирига эга бу углевод сувни ўзлаштиради ва ошқозонни тўлдиради.
Мунтазам олма истеъмол қилиш 2-тоифа диабет хавфини камайтиради. Агар ҳафтада бир марта олма истеъмол қилсангиз ҳам, бу диабет хавфини 3 фоизга камайтиришга ёрдам беради.
Ушбу мева мияни ҳимоя қилади
Олма таркибида кверстетин деб аталадиган махсус турдаги полифенол мавжуд. Бу меваларга ёрқин ранг берадиган пигмент ҳисобланади. Кверстетиннинг антиоксидант таъсирга эга эканлиги аниқланди, яъни у организмга оксидловчи стресс, жумладан, Альцгеймер ва деменсия билан курашишда ёрдам беради.
Олма микробиомани яхшилайди
Микробиома — ичакдаги бактериялар тўплами. Соғлом овқат ҳазм қилиш ва соғлом иммунитет ичакдан бошланади. Мунтазам равишда олма истеъмол қилиш ичакдаги фойдали бактерияларни кўпайтиришга ёрдам беради.
Тиш ва оғиз бўшлиғини ҳимоя қилади
Кариесни даволаб бўлмайди, бироқ олма оғиз бўшлиғидаги патоген бактерияларнинг ҳаётийлигини пасайтиради ва тиш эмалининг соғлом рангини сақлаб қолишга ёрдам беради. Бундан ташқари, саримсоқ ёки пиёз истеъмол қилганингизда тиш чўткасидан фойдаланиш ўрнига олма ейишга ҳаракат қилинг — олма ароматик ферментларни заифлаштиради ва оғиздан келаётган ҳид сезиларли даражада заифлашади.
Олма икки турдаги саратон хавфини камайтиради
Олма ейиш саратон касаллигининг айрим турлари ривожланиш хавфини сезиларли даражада камайтиришга ёрдам беради. Ушбу мавзу бўйича иккита йирик тадқиқот Reviews оn Environmentаl Health ва Public Health Nutrition журналларида нашр этилган. Таҳлил шуни кўрсатдики, кунига бир нечта олма истеъмол қилиш йўғон ичак ва ўпка саратони хавфини камайтиради.
Изоҳ (0)