Украина президенти Владимир Зеленский Чернигов вилоятидаги Ягодное қишлоғи озод этилганининг бир йиллиги муносабати билан ертўласида душман аскарлари томонидан гаровга олинган мактабга ташриф буюрди. Бу ҳақда “Ukrinform” хабар берди.
Унинг сўзларига кўра, 400 га яқин аҳолидан 370 га яқини у ерда бўлган. Зеленский билан бирга мактабга Германия вице-канцлери Роберт Габек, немис элчи Анка Фелдгузен ҳамда Украина президенти девони раҳбари Андрей Ермак ташриф буюрган. Украина раҳбари қишлоқнинг босиб олинишидан омон қолган маҳаллий аҳоли билан суҳбатлашган.
“Бу ерда катталар ҳам, болалар ҳам қийноққа солинган. Мен уларга тирик қолганлари, аскарларимизни кутишгани, Россия ҳарбийлари, раҳбарияти олиб келган фожиа ҳақида бутун дунёга гапира олганликлари учун катта раҳмат айтаман”, — деди президент.
Зеленский Ягодное аҳолиси қийноқлар ва ғайриинсоний муносабатни бошдан кечирганини таъкидлади. Унинг фикрича, Украина ҳамкорлари украиналиклар нега ёрдамга муҳтожлигини тушуниши учун бундай ертўлаларни кўриши муҳим. Зеленский Россия президентини ҳам тилга олиб, унинг ертўлада яшашини тилади.
“Фақат бир нарсани қўшимча қила оламан: буларнинг барчасини Россия президентига, қолган умримни ертўлада, ҳожатхона ўрнига челакда ўтказишни тилайман”, — деди Зеленский.
У Украина армиянинг қарши ҳужуми ҳақида ҳам фикр билдирди.
“Рус аскарларининг чиқиб кетишга ҳали вақти бор, акс ҳолда уларни йўқ қиламиз”, — деди у
Изоҳ (0)