Самарқандда автобус кран илгичидан чиқиб, ағдарилиб кетди

Самарқанд шаҳрида 1 апрель куни автобус кран илгичидан чиқиб, ағдарилиб кетди. Бу ҳақда вилоят ИИБ ахборот хизмати хабар берди.

Маълум қилинишича, шу куни соат 10:40 да “Чуқур йўл” кўчасида яроқсиз ҳолга келиб қолган автобус кўчириб ўтказилаётган бўлган.

Mercedes-Benz русумли автобус шу пайтда кўтарма краннинг илгичидан чиқиб кетиб, ўнг томонга ағдарилган. Ҳодиса оқибатида ҳеч ким жабр кўрмаган.