“ПСЖ” ҳужумчиси Килиан Мбаппе “Реал”га ўтишга қарор қилди.
AS нашрининг хабарига кўра, француз “Мадрид”да ўйнаш орзусини амалга ошириш вақти келди деб ҳисоблайди. У ёздаёқ клубни тарк этишни истайди, шу билан бирга парижликлар амалдаги шартнома сабаб, қўйиб юбормаслигини ҳам билади.
Мбаппе “Реал” вакилларига 2024 йилда эркин агент сифатида жамоага ўтишини маълум қилган. Килиан “ПСЖ” билан шартномасини бир йилга узайтириш ҳуқуқига эга, бироқ футболчини буни хоҳламайди.
24 ёшли футболчининг атрофидагилари сўзларига кўра, унинг “Реал”га ўтишига ҳеч ким ва ҳеч нарса тўсиқ бўла олмайди. Мбаппе мавсум охирида мадридликлар сафига ўтишини хабар қилиш учун “ПСЖ” хўжайинлари билан учрашишни режа қилган.
“Қаймоқранглилар” Килианни ўз сафига қўшиб олишга тайёр. Агар футболчи эркин агент сифатида жамоага қўшилса, “ПСЖ” билан музокараларга ҳожат қолмайди.
Изоҳ (0)