Си Цзиньпин Хитой урушга тайёрланаётганини айтди — Foreign Affairs

Хитой раҳбари Си Цзиньпин урушга тайёрланаётганини маълум қилди. Бу ҳақда Foreign Affairs хабар берди.

Март ойида бўлиб ўтган Хитой парламенти ва унинг олий сиёсий маслаҳат органининг йиллик йиғилишида Цзиньпин тўртта алоҳида нутқида урушга тайёргарлик мавзусига тўхталган. Улардан бирида Хитой раҳбари ўз генералларини “жанг қилишга журъат этишга” чақиргани айтилмоқда.

Хитой ҳукумати мазкур йиғилишда мудофаа бюджетини 7,2 фоизга оширганини эълон қилди, бу сўнгги ўн йил ичидаги икки баравар кўп маблағдир. Мамлакат хориждан дон импортига камроқ қарам бўлишни режалаштирмоқда. Бундан ташқари, Пекин сўнгги ойларда ҳарбий тайёргарлик бўйича янги қонунларни эълон қилди.

Шунингдек, Тайван бўғози бўйлаб шаҳарларда янги бомба бошпаналарининг қурилиши ва бутун мамлакат бўйлаб “Миллий мудофаа сафарбарлиги”нинг янги идоралари ташкил этилгани ҳам маълум.

“Зиддият ноаниқ ёки муқаррар эмас. Пекинда нимадир ўзгарди ва бутун дунё бўйлаб сиёсатчилар ва бизнес раҳбарлари буни эътиборсиз қолдиролмайди. Агар Цзиньпин урушга тайёрланяпман деса, унинг сўзини қабул қилмаслик аҳмоқлик бўлади”, — деб ёзади Foreign Affairs.